Samestellers: Izak de Vries en Karen Simpson

Agtien verhale deur topskrywers soos Abraham H. De Vries, Elias P. Nel en Madlala Makhaza. Die klem lê op verhale wat ’n storie vertel, want dit is primêr wat kortverhale behoort te wees. Sedert die heel oudste tye vertel ons stories vir mekaar. Hier in Afrika is daardie stories om kamp- en kookvure vertel.

Die verhale is gekies om die leser 'n breë oorsig van die verskillende subgenres van die kortverhaal te gee. Daar is liefdesverhale, waarskuwende verhale, komiese vertellings en 'n enkele, bondige literêre kunswerk wat huiwer tussen poësie en prosa.

Die verhale vang, in 'n neutedop, die lewe van Suid-Afrikaners vas. Van die verhale handel wel oor die dood, vigs of misdaad, maar die leser sal telkens die humor en skoonheid in elkeen raaksien.

Lees Fanie Viljoen se kortverhaal Game over, try again? in hierdie bundel.

ISBN: 978-1-86915-656-0

Uitgewer: Bateleur (Oorspronklik, nou uitgegee deur Nasou Via Afrika)