Nova: Die Begin

Uittreksel 2

Twee aande later lê Lucas in sy bed. ’n Droom vou oop in sy kop. Hy lê op ’n tafel. Om hom beweeg donker figure teen ’n skrikhelder muur van lig. Hulle praat met mekaar, maar hy verstaan hulle nie. Die figure staan nader en maak ’n kring om hom. Versigtig steek hulle hul hande na hom uit. Hul dun vingers is soos roerende slangtonge wat die lug proe. Opeens maak een van die figure ’n harde geluid.

Dit is die teken.

Hulle kap hulle vingers in Lucas se lyf en skeur sy vel stuk-stuk af, terwyl bloed oor hul gesigte spat.

Klik hier om Nova te koop by Kalahari.net

Of klik hier om Nova te koop by Lapa Uitgewers.

---